بقلم // باقر الجبوري
دعوة العراق الى مؤتمر يقام في مهلكة الرمال على شرف أمير المؤمنين وخليفة المتأسلمين الامام ( جون ابو أيدن الزهايمري ) للتباحث حول تشيكل حلف عسكري جديد !
بين السادة ( الامريكان والاسرائيلين ) !!
وبين العبيد ( العراق وعربان الخليج ) !!
خوش فلم !!
حبيبي اصلا العراق غير منظم لاي تحالف خليجي !
لا اقتصادي
ولا سياسي
ولا عسكري
وحتى بكاس الخليج هم مامعترفين بيه !!
زين شنو السالفة !
السالفة !! أن هذا الحلف هو ترجمة لقرار صدر قبل اكثر من شهر من قبل الكونكرس الامريكي يلزم وزارة الدفاع الامريكية بحماية الامن القومي الاسرائيلي من اي اعتداء محتمل من قبل ايران !
بمعنى انه يقضي بنصب قواعد لمظادات جوية لردع الانظمة الصاروخية الايرانية التي قد تستهدف العدوا الاسرائيلي في حال قامت ايران بالرد على اي عدوان من اسرائيل !!
زين العراق شنو علاقة بالموضوع !
العراق لديه قانون يجرم التطبيع مع كيان اسرائيل وهذا ليس تطبيع فقط بل هو المشاركة في حرب بالوكالة عن اسرائيل !!
حبيبي والقانون !!
لاتزعل راح يجيك واحد غشيم ويگلك ( لا خوية هذا مؤتمر ما يخص اسرائيل هاي انت وين رايح !!! )
لا بالله .. عليك الله … أخاف ما ترضه حبيبي !!
هاي الفرارات مو علينة !!
هذا القانون وكما قلنا وكما قالت الكثير من التقارير عنه انه ( قانون حماية المصالح الاسرائيلية ) تم تشريعة قبل اكثر من شهر والخليفة ( ابو ايدن ) بنفسه اتصل بالعاهل ( العامل العايل ) السعودي وفرض عليه اقامة المؤتمر ودعوة السادة ( العبيد ) ممن يحسبون على قادة الدول العربية المحاذية لحدود الجمهورية الاسلامية لتوقيع الاتفاق برضاهم او بدون رضاهم !!
وعلى العاصي تدور الدوائر !!
هذه كل الحكاية !!
وعليه فمن يبتغي المشاركة والحضور في هذه المؤتمر من ممثلي الحكومة العراقية يعرف ما سيؤل له المشاركة بهذا المؤتمر خصوصا بعد كشف المستور!
يعني بالجلفي ( شوية ثگل خالي ولاتروحون زايد )
لان ماراح يفيدكم لا زايد ولا أبن زايد !!
وقد اعذر من أنذر !!!
كل الاعيبكم انكشفت !
